Yuxarı
    Bağlamaq

    Mikayıl Cabbarov Sabirabadda vətəndaşları qəbul edəcək

    Qəbulda Sabirabad, Saatlı, İmişli rayonlarının və Şirvan şəhərinin sakinləri, həmçinin məcburi köçkünlər iştirak edə bilərlər

    Bakı. 8 dekabr. REPORT.AZ/ Təhsil naziri Mikayıl Cabbarov dekabrın 14-də Sabirabad şəhərindəki Heydər Əliyev Mərkəzində vətəndaşları qəbul edəcək. Nazirlikdən "Report"a verilən xəbərə görə, qəbulda Sabirabad, Saatlı, İmişli və Şirvan şəhər sakinləri, həmçinin bu rayonlarda və Şirvanda müvəqqəti məskunlaşmış məcburi köçkünlər iştirak edə bilərlər.

    Qəbula gəlmək istəyən vətəndaşlar 8, 9, 10 və 11 dekabrda Təhsil Nazirliyinin Telefon Məlumat Mərkəzinin 146 nömrəli telefonuna ("Qaynar xətt" xidməti) və ya qurumun elektron poçt ünvanına müraciət edərək qeydiyyatdan keçə bilərlər.

    Nazirlikdən bildirilib ki, qeydiyyatdan keçən vətəndaşların qəbula gələrkən aidiyyəti məsələləri dolğun ifadə edən ərizə ilə müraciət etmələri vacibdir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi