​Məşhur astrofizk Andre Braqiç vəfat edib

Bakı. 16 may. REPORT.AZ/ Fransada ömrünün 73-ci ilində məşhur astrofizik Andre Braqiç vəfat edib.

"Report" BBC-yə istinadən xəbər verir ki, Braqiç Neptun planeti ətrafında halqanı kəşf edənlərdən biri idi.

O, həmçinin Saturn planeti ətrafında məşhur halqaları öyrənməklə məşğul olurdu. Paris Universitetinin professoru olan Braqiç "Kassini" və "Voyacer" kosmik apparatlarının göndərilməsində NASA-ya kömək edib.

1990-cı ildə 3488 saylı asteroid onun şərəfinə adlandırılıb.