Yuxarı
    Bağlamaq

    Menecer: “Schlumberger” şirkətində BANM tələbələrinin yaxşı karyera imkanları var”

    Rusiya və Xəzər regionunda Universitetlərlə əlaqələr üzrə meneceri Andrey Gerdyuş Bakı Ali Neft Məktəbində olub

    Bakı. 29 iyul. REPORT.AZ/ “Schlumberger” şirkətinin Rusiya və Xəzər regionunda Universitetlərlə əlaqələr üzrə meneceri Andrey Gerdyuş Bakı Ali Neft Məktəbində (BANM) Ali Məktəbin rektoru Elmar Qasımovla görüşüb.

    BANM-in İctimaiyyətlə əlaqələr şöbəsindən "Report"a verilən məlumata görə, Andrey Gerdyuş görüşdə bildirib ki, BANM ilə “Schlumberger” şirkəti arasında əməkdaşlıq əlaqələri ən yüksək səviyyədə davam etdirilməkdədir. Gerdyuş 2014-cü ildə yaradılan əlaqələrin yüksələn xətt üzrə inkişaf etdiyini bildirərək bu əməkdaşlıqdan şirkət rəhbərliyinin olduqca məmnun olduğunu diqqətə çatdırıb.

    Görüşdə, həmçinin “Schlumberger” şirkətinin Xəzər regionunda işəgötürmə üzrə meneceri Asset İskakov da iştirak edib. İskakov artıq BANM tələbələrinin potensial kadrlar olaraq nəzərdən keçirildiyini və onlar üçün gələcəkdə şirkətdə gözəl karyera imkanlarının olduğunu bildirib.

    Qonaqları BANM-də görməkdən məmnun olduğunu bildirən BANM-in rektoru Elmar Qasımov Ali Məktəbdə mühəndis kadrların hazırlığı prosesinə şirkətin verdiyi töhfələrə görə təşəkkürünü ifadə edib. O, Ali Məktəbin yeni kampusunda gedən tikinti-tamamlama işləri barədə qonağa məlumat verərək şirkətin təchizat dəstəyi ilə burada laboratoriya qurulması imkanının nəzərdən keçirilməsini təklif edib.

    Xatırladaq ki, 2014-cü ildə BANM və “Schlumberger” şirkəti arasında imzalanmış əməkdaşlıq haqqında müqavilə çərçivəsində hər il şirkətin mütəxəssisləri tərəfindən BANM-in tələbələri üçün müxtəlif mövzular üzrə təqdimatlar keçirilir və tələbələr şirkətin strukturlarında yay istehsalat təcrübəsi keçir. Eyni zamanda, “Schlumberger” tərəfindən BANM-in mütəxəssisləri üçün neft-qaz və avtomatika sahəsində geniş tətbiq olunan bir sıra proqram təminatları ilə bağlı təlimlər keçirilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi