Yuxarı

MDU-nun Analitik Mərkəzi Ramiz Mehdiyevin kitabına həsr olunmuş məqalə dərc edib

MDU-nun Analitik Mərkəzi Ramiz Mehdiyevin kitabına həsr olunmuş məqalə dərc edib
Azərbaycanlı akademikin monoqrafiyası tarix elmində erməni fırıldaqçılığına qarşı mübarizə baxımından çox böyük əhəmiyyət kəsb edir

Moskva. 3 may. REPORT.AZ/ M.V.Lomonosov adına Moskva Dövlət Universitetinin postsovet məkanında ictimai-siyasi proseslərin öyrənilməsi üzrə İnformasiya-Analitik Mərkəzi Azərbaycan Prezident Administrasiyasının rəhbəri, akademik Ramiz Mehdiyevin "Milli ideyanın formalaşmasında tarixin dərk edilməsinin faydaları" adlı kitabına həsr olunmuş məqalə dərc edib.

Məqalədə qeyd olunur ki, azərbaycanlı akademikin monoqrafiyasında Azərbaycan və Ermənistan xalqlarının etnogenez prosesi nəzərdən keçirildiyindən o, tarix elmində erməni fırıldaqçılığına qarşı mübarizə baxımından çox böyük əhəmiyyət kəsb edir.

Bununla yanaşı, məqalədə Azərbaycan Prezident Administrasiyasının rəhbərinin monoqrafiyasında Dağlıq Qarabağ münaqişəsi nəticəsində işğal edilmiş torpaqların Azərbaycan xalqına mənsub olmasının elmi cəhətdən əsaslandırıldığı göstərilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi