Magistraturaya qəbul üçün buraxılış vərəqələrinin çapına başlanıldı

Azərbaycanın ali təhsil müəssisələrinin və AMEA-nın magistraturalarına qəbul imtahanında iştirak üçün "İmtahana buraxılış vərəqəsi"ni çapına başlanılıb. 

Dövlət İmtahan Mərkəzindən "Report"a verilən məlumata görə, buraxılış vərəqəsini çap etmək üçün bu linkə daxil olmaq lazımdır.

Bakalavrlar imtahana gələrkən şəxsiyyətini təsdiq edən sənədin əslini və “İmtahana buraxılış vərəqəsi”ni mütləq gətirməlidirlər. Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, bakalavr imtahana buraxılmayacaq. 

Xatırladaq ki, magistraturaya qəbul imtahanı fevralın 23-də keçiriləcək.