Bakı. 8 sentyabr. REPORT.AZ/ Bu il "Bilik Günü"ndə Bakının Xətai rayonunda "Kaspi" liseyinin "Ağ Şəhər" filialı açılacaq. "Report"un məlumatına görə, bu barədə jurnalistlərə açıqlamasında "Kaspi" Təhsil Şirkətinin təsisçisi və İdarə Heyətinin sədri Sona Vəliyeva məlumat verib.
O bildirib ki, builki dərs ilindən Gəncədə də "Kaspi" Təhsil Mərkəzi fəaliyyətə başlayacaq: "Kaspi" Təhsil Şirkəti yarandığı gündən Azərbaycan məkanında dövlətin təhsil siyasətinə dəstək verməyin qürurunu layiqincə yaşamağı bacardı. Bundan sonra da bu fəaliyyətimizi getdikcə artırmağa çalışacağıq".