Yuxarı

​İsrail səfiri Azərbaycan Tibb Universitetinin tələbələri ilə görüşüb

ATU-da israilli tələbələr də təhsil alır

Bakı. 18 dekabr. REPORT.AZ/ İsrailin Azərbaycandakı səfiri Dan Stav və missiya rəhbərinin müavini Arnir Rom bu gün Azərbaycan Tibb Universitetində (ATU) olublar.

ATU-nun mətbuat xidmətindən "Report"a verilən məlumata görə, universitetin tədris işləri üzrə prorektoru Sabir Əliyev ATU-nun fəaliyyəti barədə qonaqlara məlumat verib.

O bildirib ki, ali təhsil ocağı 1919–cu ildə Bakı Dövlət Universitetinin tərkibində fakültə kimi yaradılıb. 1930-cu ildən isə müstəqil ali məktəb kimi fəaliyyət göstərməyə başlayb.

ATU-nun professor-müəllim heyəti haqqında da məlumat verən prorektor deyib ki, 6 fakültəsi olan bu ali təhsil ocağında 160-dan çox professor, 320 dosent, 800-ə yaxın elmlər namizədi və ümumilikdə 1300 nəfər akademik personal çalışır: "Hazırda universitetdə 7000-dən çox tələbə və rezident, həmçinin xarici ölkələrin 1000-dən çox vətəndaşları olan tələbələr təhsil alırlar".

ATU-nun xarici tələbələrlə iş üzrə dekanı İsmayıl Əfəndiyev hazırda ATU-da 4 İsrailli tələbənin təhsil aldığını bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi