Yuxarı
    Bağlamaq

    Bakıda ingilis dili üzrə fənn müəllimlərinin forumu keçiriləcək

    Forumda iştirak etmək istəyən müəllimlər fevralın 28-dək İdarənin İnkişaf layihələri sektoruna müraciət edə bilərlər

    Bakı. 7 fevral. REPORT.AZ/ Bu il martın 4-də Bakı şəhəri üzrə ümumi təhsil müəssisələrinin İngilis dili müəllimlərinin forumu keçiriləcək.

    Bu barədə “Report”a Bakı Şəhəri üzrə Təhsil İdarəsindən məlumat verilib.

    Heydər Əliyev adına Müasir Təhsil Kompleksində təşkil olunan forumun əsas məqsədi İngilis dili fənnini tədris edən, yeni proqramlarda işləyən və nitq inkişafında digər fənlərin inteqrasiyasına üstünlük verən İngilis dili müəllimlərinin metodiki yanaşma və təcrübə mübadiləsinin təmin edilməsindən ibarətdir.

    Forumda iştirak etmək istəyən müəllimlər fevralın 28-dək İdarənin İnkişaf layihələri sektoruna müraciət edə bilərlər.

    Qeyd edək ki, bu sahə üzrə fəaliyyət göstərən müəllimlər foruma təqdimatçı və ya iştirakçı qismində qatıla bilər. Həm iştirakçı, həm də təqdimatçı kimi qatılmaq istəyən müəllim forum sessiyası zamanı həmçinin, 1 saatlıq təqdimat etməlidirlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi