"İlin məktəbi" və "Ən yaxşı müəllim" müsabiqəsi ləğv edilib

Bakı. 14 noyabr. REPORT.AZ/ "İlin məktəbi" və "Ən yaxşı müəllim" müsabiqələri ləğv edilib.

"Report"un məlumatına görə, bu, Prezident İlham Əliyevin “Ən yaxşı ümumi təhsil müəssisəsi müsabiqəsinin keçirilməsi Qaydaları və ümumi təhsil müəssisələrinə verilmiş mükafatın istifadə istiqamətləri”nin və “Ən yaxşı müəllim müsabiqəsinin keçirilməsi Qaydaları”nın təsdiq edilməsi haqqında” Azərbaycan Respublikası Prezidentinin 2008-ci il 25 fevral tarixli 714 nömrəli fərmanının ləğv edilməsi barədə fərman imzalaması ilə mümkün olub. 

Nəticədə ən yaxşı ümumi təhsil müəssisəsi və ən yaxşı müəllim mükafatları üçün Azərbaycan Respublikasının dövlət büdcəsində hər il üzrə nəzərdə tutulan vəsait hər il təhsildə inkişaf və innovasiyalar üzrə qrant layihələrinin həyata keçirilməsinə yönəldiləcək.