Yuxarı
    Bağlamaq

    ​Gənclər təşkilatının Qazaxıstanda təqdimatı keçirilib

    Astana şəhərində ekspertlər üçün beynəlxalq təlim kursu olub

    Bakı. 5 avqust. REPORT.AZ/ Qazaxıstanın Astana şəhərində "Gənclərin Resurs Mərkəzləri"ndə çalışan ekspertlər üçün beynəlxalq təlim kursu keçirilib. Bu barədə "Report"a Gənclər üçün Təhsil Mərkəzinin (GTM) mətbuat xidmətindən məlumat verilib.

    Qazaxıstanda beynəlxalq tədbirdə Azərbaycanı GTM-in nümayəndəsi Nərgiz Qurbani təmsil edib.

    Tədbirdə iştirakçı ölkələrdə gənclərlə iş, dövlətin gənclərə dəstəyi, gənclər təşkilatlarının fəaliyyəti və başqa sahələr üzrə məruzələr dinlənilib, fikir mübadilələri aparılıb. Gənclər üçün Təhsil Mərkəzinin nümayəndəsi, həmçinin ölkədə müxtəlif illərdə qəbul edilmiş "Gənclər üçün Dövlət Proqramlarının" vacibliyini vurğulayıb, çalışdığı mərkəzin keçirdiyi layihələrin təqdimatını edib.

    Təlim çərçivəsində Azərbaycan mədəniyyət gecəsi keçirilib. Gecədə Azərbaycanın tarixi, mədəniyyəti haqqında iştirakçılara məlumat verilib. Tədbirdə, həmçinin Azərbaycan haqqında videoçarx, mədəni irsimizi əks etdirən slaydlar və milli mətbəximizin nümunələri təqdim edilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi