Yuxarı
    Bağlamaq

    Gənclər təşkilatının “İslam Həmrəyliyi İli” çərçivəsində maarifləndirmə marafonu davam edir

    Kampaniyanın növbəti görüşü keçirilib

    Bakı. 20 aprel. REPORT.AZ/ Gənclər üçün Təhsil Mərkəzi və Dini Qurumlarla İş üzrə Dövlət Komitəsi “İslam Həmrəyliyi İli” çərçivəsində Şabran rayonunda “İslam Həmrəyliyinin Azərbaycan Modeli” adlı kampaniyanın növbəti görüşünü həyata keçirib. 

    Mərkəzin mətbuat xidmətindən "Report"a verilən məlumata görə, konfransın açılış hissəsində Gənclər üçün Təhsil Mərkəzinin Quba Regional ofisinin nümayəndəsi Hafis Osmanov qeyd edib ki, kampaniya çərçivəsində təşkil olunan konfrans region gəncləri adından ölkəmizin dini tolerantlıq ənənələrinə, mədəniyyətlər və sivilizasiyalararası dəyərlərə mühüm töhfələr verdiyini, həmçinin 2017-cı il Azərbaycanda “İslam Həmrəyliyi İli”nə dəstək xarakteri daşıyır.

    Konfransda həmçinin Şabran Rayon İcra Hakimiyyətinin başçısının ictimai-siyasi və humanitar məsələlər üzrə müavini Fikrət Nuşiyev , Şabran rayon Gənclər və İdman idarəsinin rəisi Süleyman Əliməmmədov , Dini Qurumlarla İş üzrə Dövlət Komitəsinin nümayəndəsi çıxış edərək tolerantlığın ən yaxşı modeli olan ölkəmizin inkişafının tarixi reallıqları, həm də müasir dünyada Azərbaycanın mədəniyyətlərin və sivilizasiyaların dialoq mərkəzinə çevrildiyini qeyd etdilər.

    Xatırladaq ki, konfrans Gənclər üçün Təhsil Mərkəzinin “İslam Həmrəyliyinin Azərbaycan Modeli” kampaniyası çərçivəsində həyata keçirəcəyi tədbirlər planının dördüncü konfransıdır və təşkil olunan görüşlərin əsas məqsədi gənclər arasında Azərbaycan hökumətinin din siyasəti, demokratik dövlət quruculuğu kursunu, eləcə də dövlət-din münasibətlərinin milli-mənəvi və hüquqi müstəvidə tənzimlənməsi prinsipini təbliğ etməkdir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi