Yuxarı
    Bağlamaq

    Gənc istedadlar üçün xüsusi təqaüdün məbləği 400 manata çatdırılıb

    Bakı. 22 fevral. REPORT.AZ/ Prezident İlham Əliyev fevralın 22-də "Gənc istedadlar üçün xüsusi təqaüdün məbləğinin artırılması və "Gənc istedadlar üçün xüsusi təqaüdlər təsis edilməsi haqqında" Azərbaycan Respublikası Prezidentinin 1997-ci il 13 sentyabr tarixli 662 nömrəli sərəncamında dəyişiklik edilməsi barədə" sərəncam imzalayıb. 

    "Report"un məlumatına görə, sərəncamla Azərbaycanın gənc istedadlarının “Qızıl kitabı”na adları yazılmış gənc istedadlar üçün xüsusi aylıq təqaüdün məbləği 2018-ci il martın 1-dən artırılaraq 400 manat müəyyən edilib.

    Qeyd edək ki, bundan əvvəl Azərbaycanın gənc istedadlarının “Qızıl kitabı”na adları yazılmış gənc istedadlar üçün xüsusi aylıq təqaüdün məbləği 300 manat idi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi