Yuxarı
    Bağlamaq

    Fövqəladə Hallar Nazirliyi BDU-da tədbir keçirib

    Tədbirdə mövzu ilə bağlı video-materiallar nümayiş etdirilib

    Bakı. 20 fevral. REPORT.AZ/ Fövqəladə Hallar Nazirliyi (FHN) Bakı Dövlət Universitetində (BDU) "Mülki müdafiənin təşkili, mülki müdafiə sahəsində əhalinin hazırlanması" mövzusunda maarifləndirmə tədbiri keçirib. Bu barədə "Report"a BDU-nun Mətbuat və informasiya şöbəsindən məlumat verilib.

    Universitetin Həyat fəaliyyətinin təhlükəsizliyi kafedrasının müdiri, professor İsmayıl Əliyev tədbirin əhəmiyyətindən danışıb.

    Fövqəladə Hallar Nazirliyi Mülki Müdafiə Qoşunları Mülki Müdafiə İdarəsinin rəisi, polkovnik Qüdrət Ağayev mülki müdafiə fənninin ölkənin 52 universitetində tədris olunduğuna diqqət çəkərək, onun BDU-da yüksək səviyyədə keçirildiyini bildirib. Q.Ağayev belə tədbirlərin müntəzəm keçirilməsinin nəzərdə tutulduğunu qeyd edib.

    Fövqəladə Hallar Nazirliyi Mülki-Müdafiə Kurslarının rəisi, polkovnik Asif Qəribov isə Mülki müdafiə qoşunları qarşısında qoyulan vəzifələrdən danışıb, fənnin tədrisinin vacibliyini vurğulayıb.

    Tədbirdə mövzu ilə bağlı video-materiallar nümayiş etdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi