Yuxarı

Dövlət Qulluğu Məsələləri üzrə Komissiyanın elan etdiyi müsabiqənin test imtahanı mərhələsi başlayıb

Müsabiqədə iştirak etmək üçün 6 585 nəfər qeydiyyatdan keçib

Bakı. 23 sentyabr. REPORT.AZ/ Prezident yanında Dövlət Qulluğu Məsələləri üzrə Komissiyasının 55 dövlət orqanında inzibati vəzifələrin V-VII təsnifatına uyğun olan 693 vakant dövlət qulluğu vəzifəsinin tutulması üçün avqustun 14-də elan edilən müsabiqənin test imtahanı mərhələsi bu gün keçirilir. Komissiyadan "Report"a verilən xəbərə görə, müsabiqədə iştirak etmək üçün 6 585 nəfər qeydiyyatdan keçib. Onlardan 5 112-ni gənclər təşkil edir. 

Xatırladaq ki, imtahanda namizədlər tərəfindən 100 test tapşırığının yerinə yetirilməsi nəzərdə tutulur. Test tapşırıqlarının hazırlanması üçün tərtib edilən ümumiləşdirilmiş proqramlar və metodiki vəsait Komissiyanın rəsmi internet saytında yerləşdirilib. Test imtahanı zamanı test tapşırıqları bu proqramlar çərçivəsində olacaq.

Hər bir namizədə test imtahanını bitirdiyi an dərhal onun nəticələrini əks etdirən arayış təqdim edilir. Eyni zamanda, nəticələr Komissiyanın rəsmi internet saytında da yerləşdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi