Bakı. 29 dekabr. REPORT.AZ/ Dövlət İmtahan Mərkəzi (DİM) gələn il keçirəcəyi imtahanlarda nəzarətçi kimi iştirak edəcək şəxslər haqqında məlumatların “Nəzarətçilərin elektron qeydiyyatı” sisteminə daxil edilməsi prosesini yekunlaşdırıb.
Bu barədə “Report”a DİM-dən məlumat verilib.
Sistemə Azərbaycan Milli Elmlər Akademiyasının müxtəlif institutlarından və ölkənin 2076 orta təhsil müəssisələrindən 14817 nəzarətçi-müəllim haqqında məlumatlar daxil edilib. Onlardan 1508 nəfəri test imtahanlarında ilk dəfə iştirak edəcək müəllimlərdir.