Bakı. 28 iyul. REPORT.AZ/ Yerli sakinlərin istəyi nəzərə alınaraq tezliklə cəbhəyanı bölgədə Qarabağ üzrə Regional Bilik Evi açılacaq.
"Report"un xəbərinə görə, bu barədə Azərbaycan Respublikasının Prezidenti yanında Bilik Fondunun sektor müdiri Xatirə Hüseynova məlumat verib.
O xatırladıb ki, hazırda Bilik Fondunun 4 bölgədə - Qax, Oğuz və Şəmkir rayonlarında, Nardaran qəsəbəsində Bilik Evləri fəaliyyət göstərir. Yaxın vaxtlarda Astara və İsmayıllı rayonlarında Bilik Evinin açılması da planlaşdırılır.