Yuxarı

TQDK: Buraxılış imtahanlarında 96 nəfər maksimum nəticə göstərib

Dörd nəfər qaydanı pozduğu üçün nəticələri ləğv edilib

Bakı. 23 iyun. REPORT.AZ/ Tələbə Qəbulu üzrə Dövlət Komissiyasının iyunun 21-də keçirdiyi buraxılış imtahanlarının 9-cu sinif üzrə iştirakı nəzərdə tutulan 26 072 şagirddən 969 nəfəri imtahana gəlməyib.

TQDK-dan “Report”a verilən xəbərə görə, 4 nəfər qaydaları pozduğu üçün imtahandan xaric edilib və nəticələri ləğv olunub. Onlar imtahan binasına mobil telefon keçirtməyə, sual kitabçaları və cavab kartlarının dəyişdirilməyə, nizam-intizam qaydalarının pozmağa cəhd göstəriblər. Bir nəfər isə cavab kartını imtahan binasından çıxartmaq istəyib. 

İştirakçılardan 37 nəfəri maksimum nəticə göstərərək 60 bal toplayıb.

XI sinif üzrə imtahanda iştirakı nəzərdə tutulan 21 188 şagirddən 753 nəfəri imtahana gəlməyib. 30 nəfər qaydaları pozduğu üçün imtahandan xaric edilib. Onlar imtahan binasına mobil telefon keçirtməyə, sual kitabçaları və cavab kartlarının dəyişdirməyə cəhd ediblər, nizam-intizam qaydalarını pozublar. 

İştirakçılardan 59 nəfəri maksimum nəticə göstərərək 90 bal toplayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi