Yuxarı

Bu il Bakı şəhəri üzrə 14 məzun məktəbi qızıl medalla bitirib

​Bu il Bakı şəhəri üzrə 14 məzun məktəbi qızıl medalla bitirib

Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrində 27 930 müəllim çalışır.

İdarədən "Report"a verilən məlumata görə, Bakı şəhəri üzrə müəllimlərin işə qəbulu və yerdəyişməsi müsabiqəsinə 1442 vakansiya təqdim olunub.

Bakı şəhəri üzrə 271 məktəbdə 962 Məktəbəhazırlıq qrupu yaradılıb. 24 mindən çox 5 yaşlı uşaq qeydiyyatdan keçib. Bu, proqnozun 60 faizindən çoxdur.

Bakı Şəhəri üzrə Təhsil İdarəsinin tabeliyindəki məktəbləri bitirən 1 433 məzuna Fərqlənmə Attestatı verilib.

Bakı Şəhəri üzrə Təhsil İdarəsinin tabeliyindəki məktəblərin XI sinfini bitirən 14 məzun qızıl, 1 məzun isə gümüş medala layiq görülüb.

İdarənin tabeliyindəki məktəb məzunlarından ali məktəblərə qəbul imtahanlarında iştirak edən 17 505 nəfərdən 13 012 nəfər, yəni 74 faizi ali və orta ixtisas təhsili müəssisələrinə qəbul olunub. Bakı şəhəri üzrə qəbul imtahanlarında uğur qazanmış abituriyentlərin 22 faizi 500 və daha artıq bal toplayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi