Yuxarı
    Bağlamaq

    Böyük Britaniyanın səfiri BDU-da olub

    Tədris biliklərinin yoxlanılması testi kimi müzakirə edilib

    Bakı. 7 sentyabr. REPORT.AZ/ Böyük Britaniyanın Azərbaycandakı fövqəladə və səlahiyyətli səfiri, xanım Karol Kroftsu və British Council Azərbaycanın direktoru xanım Elizabet Vayt Bakı Dövlət Universitetində (BDU) olublar.

    Bu barədə "Report"a BDU-nun Mətbuat və informasiya şöbəsindən məlumat verilib.

    Bildirilib ki, rektor, akademik Abel Məhərrəmov qonaqları universitetdə görməkdən məmnunluğunu ifadə edərək, son illər BDU-nun beynəlxalq əlaqələr istiqamətində əldə etdiyi uğurlardan, o cümlədən xarici universitetlərlə qarşılıqlı əməkdaşlıqdan bəhs edib.

    Səfir Karol Kroftsu BDU ilə işbirliyindən danışaraq əlaqələrin daha da genişlənməsində maraqlı olduqlarını diqqətə çatdırıb.

    British Council Azərbaycanın direktoru xanım Elizabet Vayt bir neçə ildir ki, universitetlə səmərəli əməkdaşlıq qurulduğunu, bu əlaqələrin bir neçə sahəni əhatə etdiyini bildirib.

    Görüş zamanı əməkdaşlığın yeni istiqamətləri barədə fikir mübadiləsi apırılıb və təlimçilər üçün inkişaf proqramı, akademik mükəmməllik üzrə tədris kursu, tədris biliklərinin yoxlanılması testi kimi məsələlər müzakirə edilib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi