Yuxarı

"Bədən tərbiyəsi və idman" ixtisası üzrə sınaq imtahanları keçiriləcək

Sınaq imtahanları abituriyentlər üçün ödənişsizdir

Bakı. 18 may. REPORT.AZ/ Azərbaycan Dövlət Bədən Tərbiyəsi və İdman Akademiaysında bu təhsil ocağına daxil olmaq istəyən tələbələr üçün 6-10 iyunda saat 10.00-13.00 və 17.00-19.00 saatlarında xüsusi qabiliyyət tələb edən "Bədən tərbiyəsi və idman" ixtisası üzrə sınaq imtahanları keçiriləcək.

Bu barədə "Report"a Gənclər və İdman Nazirliyinin mətbuat katibliyindən məlumat verilib. 

Sınaq imtahanları İdman Akademiyasının stadion kompleksində və gimnastika zalında baş tutacaq. Sınaq imtahanları zamanı abituriyentlər Akademiyanın atletika və gimnastika kafedralarının mütəxəssisləri tərəfindən metodiki tövsiyələr, məsləhətlər ala biləcəklər.

Abituriyentlər imtahan normativləri ilə Tələbə Qəbulu üzrə Dövlət Komissiyasının hazırladığı xüsusi qabiliyyət tələb edən ixtisaslara qəbul olmaq istəyənlər üçün "Abituriyent" jurnalının xüsusi buraxılışı olan vəsaitlərdə tanış ola bilərlər.

Qeyd edək ki, sınaq imtahanları abituriyentlər üçün ödənişsizdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi