Yuxarı

BANM Texas A&M Beynəlxalq Universiteti ilə müqavilə imzalayıb

BANM Texas A&M Beynəlxalq Universiteti ilə müqavilə imzalayıb

Bakı Ali Neft Məktəbində (BANM) ABŞ-ın aparıcı ali təhsil müəssisələrindən olan Texas A&M Beynəlxalq Universiteti (TAMİU) arasında müştərək proqramların həyata keçirilməsi məqsədli ilə Razılaşdırma Memorandumu imzalanıb.

BANM-dən Report"a verilən məlumata görə, memoranduma əsasən, professor-müəllim heyətinin, tələbələrin mübadiləsi, birgə elmi tədqiqatların aparılması, təhsil materiallarının və məlumat bazalarının mübadiləsi, müştərək konfrans və simpoziumların təşkili nəzərdə tutulub.

Razılaşma 5 illik müddəti əhatə edir.

Qeyd edək ki, Bakı Ali Neft Məktəbində Ali Məktəbin rektoru Elmar Qasımovla Texas A&M Beynəlxalq Universitetinin tədqiqat və sponsor layihələri üzrə prorektor müavini Con Kilburn arasında keçirilən görüşdə akademik materialların sistematik və davamlı olaraq mübadiləsi, professor-müəllim heyəti və əməkdaşların təlim, eləcə də elmi tədqiqatlara cəlb edilməsi, eyni zamanda tələbələrin təhsil alması məqsədi ilə hər iki təhsil müəssisəsi arasında araşdırma və tədris fəaliyyətinin inkişaf etdirilməsi üçün mübadilənin genişləndirilməsi müzakirə olunmuşdu.

Xatırladaq ki, TAMİU 7500-dən çox tələbəyə elm, biznes administrasiyası, tibb, incəsənət kimi müxtəlif ixtisaslarda bakalavriat, magistratura və doktorantura dərəcəsi üzrə təhsil təqdim edir. Universitet bakalavriat səviyyəsində Sistem mühəndisliyi ixtisası üzrə də tədris həyata keçirir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi