Yuxarı
    Bağlamaq

    BANM-ın tələbəsi “Global Startup Weekend Women” startup yarışının qalibi olub

    © BANM

    Bakı. 22 fevral. REPORT.AZ/ Bakı Ali Neft Məktəbinin (BANM) “Proseslərin avtomatlaşdırılması mühəndisliyi” ixtisasının tələbəsi Səkinə Nağızadə “Global Startup Weekend Women” qadınlar arasında keçirilən startup yarışının Bakı finalının qalibi olub.

    Ali Məktəbdən "Report"a verilən məlumata görə, Next Step İnnovasiyalar Mərkəzinin təşkilatçılığı ilə keçirilən yarışa qatılmaq üçün 50-dən çox müraciət olunmasına baxmayaraq cəmi 11 komanda Bakı finalında iştirak hüququ qazanıb.

    “Boş durma, hərəkətə keç” şüarı ilə həyata keçirilən yarışda Ali Məktəbin ikinci kurs tələbəsi Səkinə Nağızadə və onun TalentPort komandası qalib olub. Komandanın təqdim etdiyi layihə tələbələr və fiziki məhdudiyyətli insanların məşğulluğunun yarımştat işlə təmin olunması platformasının yaradılmasından ibarət olub. Bu platformadan şirkətlər də yararlanacaq. Belə ki, onlar vaxta qənaət edərək, uyğun və potensial gənc kadrlarla təmin olunacaqlar.

    Qalib komanda RCI Bank & Services, AccorHotels, Air France, Wavestone, Air Liquide, La Tribune kimi qlobal sponsorlardan Parisə uçuş bileti, Accor oteldə 2 gecə qalmaq, Böyük finalda qlobal münsiflər qarşısında ideyasını təqdim etmək və Bakıda Next Step İnnovasiyalar Mərkəzinin Sup.az akselerasiya proqramına qəbul olunmaq şansı qazanıblar.

    Qeyd edək ki, Səkinə Nağızadə martın 7-də Fransanın Paris şəhərində 23 ölkə arasında keçiriləcək Böyük Finalda iştirak edərək Azərbaycanı təmsil edəcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi