Yuxarı

BANM-in tələbələri “Star” və “Petkim”də işləyəcəklər

BANM-in tələbələri “Star” və “Petkim”də işləyəcəklər

Bakı Ali Neft Məktəbinin (BANM) 6 tələbəsi SOCAR Türkiyədə işləyəcək. 

"Report"un xəbərinə görə, BANM-in rektoru Elmar Qasımov “Star” və “Petkim”də Ali Məktəbin tələbələri üçün hələlik 6 yer nəzərdə tutulduğunu bildirib. 

SOCAR Türkiyənin apardığı seçim prosesi nəticəsində Ali Məktəbin Kimya mühəndisliyi və Proseslərin avtomatlaşdırılması mühəndisliyi ixtisaslarında təhsil alan altı tələbə seçilib, onlar “Star” neft emalı zavodunda və “Petkim” neft-kimya kompleksində işləyəcək.

Rektor qeyd edib ki, Ali Məktəbin əsas strategiyası şirkətlərə istehsalat təcrübəsi, praktik vərdişləri olan kadrlar yetişdirməkdir. 

Onun sözlərinə görə, tələbələrin məzun olmamış iş təklifi alması Ali Məktəbin “Biz iş axtarmırıq, iş bizi axtarır” şüarını təsdiq edir. Onun sözlərinə görə, indiyə kimi BANM-ın 30-a yaxın məzunu “Star” və “Petkim” zavodlarında çalışır.

“Star” və “Petkim” SOCAR-ın Türkiyədə fəaliyyət göstərən və böyük investisiya edilmiş neft-kimya zavodlarıdır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi