Yuxarı

BANM-də Layihələrin İdarə edilməsi Məktəbi yaradılacaq

7 moduldan ibarət layihənin yekunda iştirakçılara ABŞ-ın Corc Vaşinqton Universitetinin magistr sertifikatının verilməsi nəzərdə tutulur

Bakı. 17 yanvar. REPORT.AZ/ Bakı Ali Neft Məktəbinin (BANM) rektoru Elmar Qasımov BP şirkətinin sosial investisiya üzrə qrup rəhbəri Kənan Şıxlinski və "Twenty Eighty" şirkətinin proqram meneceri Ed Hyuzla görüşüb.

Bu barədə “Report”a Ali Məktəbin İctimaiyyətlə əlaqələr şöbəsindən məlumat verilib.

E.Qasımov rəhbərlik etdiyi ali təhsil müəssisəsinin fəaliyyət istiqamətləri, uğurları və perspektiv planlarından danışaraq Ali Məktəbin beynəlxalq əlaqələrinin getdikcə daha da genişləndiyini deyib.

O, Ali Məktəbin BP şirkəti ilə geniş əməkdaşlığından söz açaraq şirkətlərlə əlaqələrin inkişafında maraqlı olduğunu bildirib.

BP şirkətinin sosial investisiya üzrə qrup rəhbəri Kənan Şıxlinski və "Twenty Eighty" şirkətinin proqram meneceri Ed Hyuz Ali Neft Məktəbində tələbələr üçün yaradılan şərait və imkanların yüksək səviyyədə olduğunu qeyd ediblər.

Görüşdə Bakı Ali Neft Məktəbi, BP və "Twenty Eighty" şirkəti ilə birgə BANM-də Layihələrin İdarə edilməsi Məktəbinin təsis edilməsi ilə bağlı fikir mübadiləsi aparılıb. Ümumilikdə, 7 moduldan ibarət olacaq bu layihədə müxtəlif sektorlarda çalışan mütəxəssislər üçün layihələrin idarə edilməsi üzrə təlimlərin təşkili və yekunda ABŞ-ın Corc Vaşinqton Universitetinin magistr sertifikatının verilməsi nəzərdə tutulur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi