Yuxarı
    Bağlamaq

    BANM-da struktur bölmələrinin əməkdaşları üçün seminar keçirilib

    Məruzələr dinlənilib

    Bakı. 5 noyabr. REPORT.AZ/ Bakı Ali Neft Məktəbində (BANM) “Schneider Electric” şirkətinin mütəxəssisləri tərəfindən SOCAR-ın proseslərin avtomatlaşdırılması məsələləri ilə məşğul olan struktur bölmələrinin əməkdaşları üçün seminar keçirilib. 

    Bu barədə “Report”a Ali Məktəbin İctimaiyyətlə əlaqələr şöbəsindən məlumat verilib.

    Seminarda BANM-in mütəxəssisləri və tələbələri də iştirak ediblər. Seminarda “Telemetriya, məsafədən SCADA və simsiz sensorlar” və “Neft və qaz sənayesi üçün Modicon M580 kontrollerlərin yeni nəsli” mövzularında məruzələr dinlənilib.

    Seminarın açılış mərasimində BANM-in Tədris, elm və beynəlxalq əlaqələr üzrə prorektoru Ramiz Hümbətov “Schneider Electric” şirkətinin nümayəndələrini, SOCAR-ın struktur bölmələrinin və istehsalat müəssisələrinin əməkdaşlarını Ali Məktəbin rəhbərliyi adından salamlayıb. Prorektor Ramiz Hümbətov bildirib ki, bu seminarlar BANM-də sözügedən şirkət tərəfindən ənənəvi olaraq keçirilir. O, Ömürboyu təhsil fakültəsinin perspektiv planında belə tədbirlərin mütəmadi olaraq təşkilinin nəzərdə tutulduğunu deyib. Ramiz Hümbətov seminarın iştirakçılarına və “Schneider Electric” şirkətinin ekspertlərinə uğurlar arzulayıb.

    “Schneider Electric” şirkətinin Rusiyadan dəvət olunmuş ekspertləri - MDB ölkələri üzrə proseslərin avtomatlaşdırılması marketinqi və biznesin inkişafı üzrə menecer Natalia Nelsen, MDB ölkələri üzrə İD PAC məhsul meneceri Nikolay Sobol, baş texniki məsləhətçi Yuri Serebrennikov tərəfindən mühazirələr təqdim olunub və müzakirələr aparılıb.

    Seminarda SOCAR-ın baş ofisindən, “Azneft” İB-yi, “Neftqazelmitədqiqatlayihə” İnstitutu, “Qaz İxrac” İdarəsi, İT və rabitə İdarəsi, “Azərsu” ASC-dən, Sentra MMC-dən nümayəndələr iştirak ediblər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi