Bakıda təmirə saxlanılmış avtomobillərin 40 min manatlıq ehtiyat hissələri oğurlanıb

Bakı. 14 sentyabr. REPORT.AZ/ Avqustun 20-dən sentyabrın 13-dək olan müddətdə Sabunçu rayonunun Balaxanı qəsəbəsi ərazisindəki asfalt zavodunun həyətində təmirə saxlanılmış avtomobil və avadanlıqlardan 40.000 manat dəyərində ehtiyat hissələri sökülərək oğurlanıb.

Daxili İşlər Nazirliyinin Mətbuat xidmətindən "Report"a daxil olan məlumata görə, oğurluğu törətməkdə şübhəli bilinənlər paytaxt sakini Əli Piriyev, Abşeron rayon sakinləri Hakim Nuriyev və Mehman Çələbiyev 12-ci Polis Şöbəsinin əməkdaşları tərəfindən saxlanılıblarlar.