Yuxarı
    Bağlamaq

    Bakıda inklüziv təhsil üzrə təlimlərə başlanılıb

    Təlim Bakı şəhəri Xətai rayonu 138 nömrəli tam orta məktəbdə keçirilir

    Bakı. 29 avqust. REPORT.AZ/ Təhsil nazirinin müvafiq əmri ilə təsdiq edilən “İbtidai təhsil pilləsində İnklüziv təhsilin tətbiqi” layihəsinin icrasına başlanılıb.

    Təhsil Nazirliyindən “Report”a verilən məlumata görə, layihə çərçivəsində Xətai rayonu 138 nömrəli tam orta məktəb, Nizami rayonu 220 nömrəli məktəb-lisey, Nərimanov rayonu 202 nömrəli məktəb-lisey və Sabunçu rayonu 252 nömrəli məktəb-lisey pilot təhsil müəssisələri kimi seçilib.

    2016-2017-ci tədris ilində qeyd olunan məktəblərin hər birində 2 sinif olmaqla, 16 nəfər əlilliyi olan şagird birinci sinfə cəlb olunacaq.

    Pilot məktəblərin pedaqoji heyətindən əlilliyi olan uşaqların təhsilinin inklüziv şəraitdə təşkili üzrə bir sıra bilik və bacarıqlar tələb olunur. Bu məqsədlə 29 avqust–2 sentyabrda  4 pilot inklüziv məktəbin pedaqoji heyəti üçün Təhsil Nazirliyi İnklüziv təhsil üzrə təlim təşkil edir. 

    Təlim Bakı şəhəri Xətai rayonu 138 nömrəli tam orta məktəbdə keçirilir. 

    Təlimdə pilot məktəblərin direktorları, loqoped-defektoloqları, ibtidai təhsil üzrə direktor müavinləri və inklüziv siniflərin sinif müəllimləri iştirak edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi