Yuxarı
    Bağlamaq

    Azərbaycanda palçıq vulkanlarının yer səthinə çıxartdığı neftin tərkibi öyrənilir

    Bu ilin ilk altı ayı ərzində Azərbaycanda palçıq vulkanı püskürməyib

    Bakı. 13 avqust. REPORT.AZ/ Azərbaycanda palçıq vulkanlarının yer səthinə çıxartdığı neftin tərkibi öyrənilir. Bu barədə "Report"a AMEA Geologiya İnstitutunun palçıq vulkanizmi şöbəsinin rəhbəri, professor Adil Əliyev məlumat verib.

    O bildirib ki, palçıq vulkanları müxtəlif istiqamətlərdə öyrənilir: "Hazırda bizim şöbə palçıq vulkanlarının xaric etdiyi, yer səthinə çıxartdığı neftləri öyrənmək üçün ekspedisiya təşkil edib. Növbəti aylarda ekspedisiya üzvlərinin gətirəcəyi nümunələrin geokimyəvi analizi aparılacaq və nəticələr açıqlanacaq".

    Şöbə müdirinin sözlərinə görə, bu ilin ilk altı ayı ərzində Azərbaycanda palçıq vulkanı püskürməyib: "Palçıq vulkanlarının püskürməsi seysmikliklə əlaqədardır. Azərbaycanda seysmik aktivlik yüksək olanda palçıq vulkanlarının aktivləşməsinə də təsiri olur. 2014-cü ildə 3-4 vulkan püskürməsi hadisəsi olub. Püskürmə hadisələri ilə bağlı son məlumatlar üçün hazırkı ekspedisiyanın cavabını gözləyirik".

    Professor qeyd edib ki, vulkan püskürməsi ən çox Qobustanda olur. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi