Yuxarı
    Bağlamaq

    Azərbaycanda magistratura səviyyəsində kadr hazırlığı iki istiqamətdə aparılacaq

    İxtisas üzrə magistratura təhsili alanlara isə öz ixtisası üzrə praktiki biliklər veriləcək

    Bakı. 9 dekabr. REPORT.AZ/ "Azərbaycanda ali təhsilin magistratura səviyyəsində kadr hazırlığı iki istiqamətdə aparılacaq". "Report" xəbər verir ki, bunu Milli Məclisin Elm və təhsil komitəsinin sədri İsa Həbibbəyli "Təhsil haqqında" qanun layihəsinə təklif edilən dəyişiklik layihəsinin müzakirəsi zamanı deyib.

    Sədrin sözlərinə görə, qanunvericiliyə təklif edilən dəyişiklik buna zəmin yaradır: "Magistratura iki istiqamətə ayrılacaq. Yəni gələcəkdə həm ixtisas, həm də tədqiqat magistraturası olacaq. Tədqiqat magistraturasında oxuyanlara öz ixtisasları üzrə sırf nəzəri biliklər veriləcək, onlar sırf nəzəriyyəçi olacaqlar. İxtisas üzrə magistratura təhsili alanlara isə öz ixtisası üzrə praktiki biliklər veriləcək".

    O, həmçinin əlavə edib ki, ixtisas üzrə magistr dərəcəsi alan yalnız ixtisas üzrə mütəxəssis olacaq: "Həmin şəxslərin doktoranturaya sənəd verməsinə icazə verilməyəcək, onlar magistr dərəcəsi ilə peşə fəaliyyətlərini davam etdirə biləcəklər. İkinci istiqamət üzrə təhsil alanlar isə tədqiqatçı olacaqlar. Onlar magistr dissertasiyasını müdafiə edəcək və sonra tədqiqatla məşğul olacaqlar".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi