Yuxarı
    Bağlamaq

    ​Azərbaycanda 300-ə qədər elmi jurnal nəşr olunur

    AMEA elmi jurnalların beynəlxalq bazalara inteqrasiyası səviyyəsinin yüksəldilməsi üçün təkliflər hazırlayacaq

    Bakı. 14 oktyabr. REPORT.AZ/ Bu gün Azərbaycan Milli Elmlər Akademiyasında (AMEA) elmi jurnalların beynəlxalq bazalara inteqrasiya vəziyyəti müzakirə olunub.

    Bu barədə "Report"a AMEA-dan məlumat verilib.

    Tədbirdə Bakı Dövlət Universitetinin Tətbiqi Riyaziyyat Elmi-Tədqiqat İnstitutunun direktoru, akademik Fikrət Əliyev bildirib ki, müasir dövrdə Thomson Reuters Agentliyinin Biliklər Bazası, bu bazanın imkanları, həmçinin bazaya daxil olan elmi jurnalların seçilmə meyarları onların fəaliyyətinin dəyərləndirilməsində ən mötəbər mənbədir.

    Qeyd olunub ki, Azərbaycanda dərc olunan, Thomson Reuters Agentliyinin Biliklər Bazasına daxil olan 3 elmi jurnal haqqında informasiyalara əsasən, "Applied and Computational Mathematics" jurnalı hələ də təsir əmsalına malik yeganə Azərbaycan jurnalıdır. Həmçinin, Türk Dünyası Riyaziyyat Cəmiyyətinin "Nəzəri və tətbiqi riyaziyyat" jurnalı və Xəzər Universitetinin "Xəzər Humanitar və Sosial Elmlər" jurnalı Thomson Reuters daxilində yaradılmış “Emerging Sources Citation Index” bazasında yer alıb.

    Azərbaycanda 300-ə qədər elmi jurnalın dərc olunduğunu deyən akademik bunlardan yalnız 18-nin seçim üçün Thomson Reuters Agentliyinin Biliklər Bazasının texniki kriteriyalarını ödədini vurğulayıb. Rəyasət Heyəti Azərbaycanda elmi nəşrlərin, xüsusilə AMEA-nın elmi jurnallarının beynəlxalq bazalara inteqrasiyası səviyyəsinin yüksəldilməsi üçün təkliflər hazırlanmasını qərara alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi