Yuxarı

Azərbaycanda 12 mindən çox müəllimin diaqnostik qiymətləndirilməsi başlayıb

Azərbaycanda 12 mindən çox müəllimin diaqnostik qiymətləndirilməsi başlayıb
Qiymətləndirmə Qax Olimpiya İdman Kompleksində keçirilir

Bakı. 11 may. REPORT.AZ/ Bu gün növbəti diaqnostik qiymətləndirməyə start verilib.

“Report”un məlumatına görə, qiymətləndirmə Qax Olimpiya İdman Kompleksində keçirilir.

5 gün ərzində Qax, Qəbələ, Şəki, Zaqatala, Balakən, Oğuz, həmçinin bu rayonlarda yerləşən Ağdam, Laçın, Kəlbəcər və Xocalı rayonlarının ümumi təhsil müəssisələrində çalışan müəllimlərinin diaqnostik qiymətləndirilməsi aparılacaq. Qiymətləndirmədə 12 mindən çox müəllim iştirak edəcək.

Diaqnostik qiymətləndirməyə ilk peşə-ixtisas təhsili müəssisələrində ümumtəhsil fənlərini tədris edən müəllimlər də qatılacaq.

Diaqnostik qiymətləndirmənin nəticələrinə əsasən müəllimlərin bilik və bacarıq səviyyələri müəyyənləşdiriləcək, onların dərs yükü norması və əməkhaqqı artırılmaqla maddi rifahı yaxşılaşdırılacaq. Həmçinin həmin müəllimlər inkişafyönümlü təlimlərə cəlb ediləcəklər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi