Azərbaycan Valideyn-Müəllim Assosiasiyasının rəhbəri dünyasını dəyişib

Bakı. 10 noyabr. REPORT.AZ/ "Azərbaycan Valideyn-Müəllim Assosiasiyası" İctimai Birliyinin rəhbəri Təranə Şərifova dünyasını dəyişib.

Bu barədə "Report"a onun yaxınları məlumat veriblər.

Səhhəti ilə bağlı bir sıra problemlər yaşayan T.Şərifova əsasən şəkərli diabetdən, ürək və qaraciyər xəstəliklərindən əziyyət çəkirdi.

Qeyd edək ki, bir il əvvəl Təranə Şərifovanın həyat yoldaşı qaraciyər sirrozundan dünyasını dəyişib.