Azərbaycan Turizm və Menecment Universitetinə rektor təyinatı olub

Bakı. 11 sentyabr. REPORT.AZ/ Prezident İlham Əliyev sentyabrın 11-də Azərbaycan Turizm və Menecment Universitetinin rektorunun təyin edilməsi ilə bağlı sərəncam imzalayıb.

"Report" xəbər verir ki, sərəncama əsasən, İlham İsa oğlu Mədətov Azərbaycan Turizm və Menecment Universitetinin rektoru təyin edilib.

Qeyd edək ki, İ.Mədətov bu vəzifəyə təyin olunanadək Gənclər və İdman Nazirliyinin Beynəlxalq əlaqələr şöbəsinin müdiri işləyib.