Yuxarı

​Ahıska türkləri Azərbaycan ordusuna dəstək olublar

Bakı Slavyan Universitetində ahıska türkləri ilə görüş olub

Bakı. 5 aprel. REPORT.AZ/ “Mutikulturalizm ili” çərçivəsində Bakı Slavyan Universitetində (BSU) ahıska türklərinin Yazarlar Birliyinin üzvləri ilə görüş keçirilib. Tədbirin əvvəlində Qarabağ uğrunda gedən döyüşlərdə şəhid olan əsgərlərimizin ruhu bir dəqiqəlik sükutla yad edilib.

Bu barədə "Report"a BSU-nun mətbuat xidmətindən bildirilib.

Professor Asif Hacıyev bildirib ki, 1944-cü ildə Stalinin əmri ilə ahıska türkləri öz vətənlərindən didərgin salınaraq sürgün ediliblər:

"Ana vətənlərindən amansızcasına qoparılan minlərlə ahıska türkü sürgün zamanı həlak olub, bütün siyasi hüquqlardan məhrum olunub. Bu əməksevər, mərd xalq tarix qarşısında ağır sınaqlardan qəhrəmancasına çıxıb. Ahıska türkləri 50-ci illərin sonlarında Azərbaycanın bir sıra bölgələrində məskunlaşıblar".

Tədbir iştirakçıları Azərbaycan və Ermənistan arasında Qarabağ uğrunda gedən döyüşlərdə şəhid olan hərbçilərimizin yaxınlarına başsağlığı veriblər. Erməni qəsbkarlarını ifşa edən şeirlər, ahıska şivəsində vətənpərvərlik ruhlu mahnılar səsləndirən şairlər Azərbaycan ordusuna uğurlar arzu edərək hər zaman onlarla birlikdə düşmənə qarşı döyüşə hazır olduqlarını deyiblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi