AMEA prezidenti: "Alimlərin əməyinə dövlət qayğısı daim artmaqdadır"

Bakı. 15 noyabr. REPORT.AZ/ "Azərbaycanda alimlərin əməyinə dövlət qayğısı daim artmaqdadır".

"Report" xəbər verir ki, bunu Azərbaycan Milli Elmlər Akademiyasının (AMEA) Ədəbiyyat İnstitutunun 85 illik yubiley tədbirində AMEA-nın prezidenti, akademik Akif Əlizadə deyib.

O bildirib ki, Azərbaycan müstəqillik qazandıqdan sonra bütövlükdə elm sahəsi, həmçinin ədəbiyyat elmi olduqca nəhəng addımlarla irəliləməkdədir: "Ədəbiyyat İnstitutu həm Azərbaycan, həm də dünya elminə böyük töhfələr verib".

A.Əlizadə qeyd edib ki, Azərbaycanda ədəbiyyatşünaslıq elminin baş qərargahı funksiyasını yerinə yetirən institut ədəbiyyatın müxtəlif sahələrində elmi potensialın yaradılmasında əhəmiyyətli rol oynayıb.