Yuxarı
    Bağlamaq

    AMEA-nın ilk magistrlərinin “Məzun Günü” keçirilib

    Tədbirdə Mikayıl Cabbarov və Məleykə Abbaszadə də iştirak edib
    © Report.az

    Bakı. 7 iyul. REPORT.AZ/ Azərbaycan Milli Elmlər Akademiyasında (AMEA) ilk magistrlərinin "Məzun günü" keçirilib.

    "Report" xəbər verir ki, tədbirdə təhsil naziri Mikayıl Cabbarov, Dövlət İmtahan Mərkəzinin Direktorlar Şurasının sədri Məleykə Abbaszadə iştirak edib.

    AMEA-nın prezidenti Akif Əlizadə bildirib ki, birinci qəbul ilində Akademiyanın magistraturasına 400-ə yaxın bakalavr müraciət edib və yekunda 9 ixtisas üzrə yüksək balla 19 tələbə qəbul olub: "Onlardan bir nəfəri hərbi xidmətə yollanıb, 18 nəfəri isə təhsilini davam etdirdi. Məzunlardan 15 nəfəri magistraturanı fərqlənmə diplomu ilə bitirib".

    O qeyd edib ki, növbəti qəbul illərində ixtisas və plan yerlərinin sayı artırılıb: "Belə 2016-2017-ci tədris ilində 18 ixtisas üzrə 56 nəfər qəbul olub. Bu il isə 1700-dən çox bakalavr müraciət edib və son məlumata görə onlardan 67-si tələbə adını qazanıb".

    A.Əlizadə vurğulayıb ki, yaxşı alim yetişdirmək üçün keyfiyyətli təhsil vermək başlıca şərtdir.

    Tədbirin sonunda AMEA-nın ilk məzunlarına diplomlar təqdim olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi