Yuxarı
    Bağlamaq

    ​AMEA-nın Fizika İnstitutunun öz avadanlıqlarından istifadə etməməsi tənqid olunub

    Bu məsələnin Rəyasət Heyətinin iclasında müzakirə olunması qərara alınıb

    Bakı. 27 oktyabr. REPORT.AZ/ AMEA Fizika İnstitutunda Fizika-riyaziyyat və Texnika Elmləri Bölməsinin büro iclası keçirilib. Bu barədə “Report”a AMEA-dan bildirilib.

    İclasda bölmənin akademik-katibi, akademik Akif Hacıyev, institutun direktoru, AMEA-nın müxbir üzvü Nazim Məmmədov gündəlikdə duran məsələlər haqqında məlumat verib.

    İnstitutun İnnovasiya və Transfer üzrə direktor müavini, fizika-riyaziyyat elmləri doktoru Ayaz Bayramov “AMEA Fizika İnstitutunda qabaqcıl nazik təbəqəli texnologiyaların inkişafı” adlı məruzə ilə çıxış edib.

    İclasda qeyd olunub ki, İnnovasiya sektorunun qaydalarına əsasən, Fizika İnstitutunda mövcud olan avadanlıqlardan digər institutun əməkdaşları yararlana bildiyi halda, onlar bu imkanlardan istifadə etmirlər. Bu məsələnin Rəyasət Heyətinin iclasında müzakirə olunması qərara alınıb.

    Sonda Azərbaycan Dövlət Neft Şirkətinin “Elm Fondu”nun qalibi olmuş qrant layihələrinin hesabatları dinlənilib və qəbul olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi