Yuxarı

AMEA-dakı muzeylərdən biri pullu xidmətə keçib

AMEA-dakı muzeylərdən biri pullu xidmətə keçib
Qiymətlər uşaqlar və böyüklər üçün ayrı-ayrılıqda müəyyən olunub
© Report

Bakı. 10 oktyabr. REPORT.AZ/ AMEA-nın Zooloji Muzeyi pullu xidmətə keçib.

AMEA-nın mətbuat xidmətindən "Report"a verilən məlumata görə, Zoologiya İnstitutunun nəzdində fəaliyyət göstərən muzeyin xidmətlərinin qiymətləri də təsdiqlənib. 

Qiymətlər uşaqlar və böyüklər üçün ayrı-ayrılıqda müəyyən olunub.

Qeyd edək k ki, Zooloji Muzeydə 257 növ onurğalı heyvan, o cümlədən 44 növ məməli, 116 növ quş, 36 növ sürünən, 13 növ suda-quruda yaşayan və 50 növ balıq eksponatları nümayiş olunur. Təbii heyvan müqəvvaları içərisində Azərbaycan faunasına, eyni zamanda, dünya faunasına aid nümunələr vardır. Azərbaycanın “Qırmızı Kitabı”na salınmış Xəzər qızılbalığı, adi zərdəpər, karelin tritonu, Qafqaz xaçlıcası, Aralıq dənizi tısbağası, Pallas təlxəsi, çəhrayı qutan, flaminqo, qızılquş, Qafqaz tetrası, Hindistan tirəndazı, qonur ayı, Xəzər suitisi, Avropa cüyürü, maral, ceyran kimi nadir növlərin eksponatları faunamızın növ müxtəlifliyi haqqında ətraflı təsəvvür yaradır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi