Yuxarı

AMEA-da ilin ən yaxşı veteran alimi mükafatı təsis ediləcək

İsa Alıyev: Müsabiqənin bu ilin yay aylarında keçirilməsi nəzərdə tutulub

Bakı. 15 mart. REPORT.AZ/ Azərbaycan Milli Elmlər Akademiyasında (AMEA) ilin ən yaxşı veteran alimi mükafatı təsis ediləcək.

"Report" xəbər verir ki, bunu AMEA Azad Həmkarlar İttifaqının sədri, iqtisad elmləri doktoru İsa Alıyev Akademiyanın Mərkəzi Elmi Kitabxanasında bu gün keçirilən AMEA-nın Birləşmiş Veteranlar Şurasının növbəti iclasında deyib.

Onun sözlərinə görə, mükafatın əldə edilməsi üçün müsabiqənin bu ilin yay aylarında keçirilməsi nəzərdə tutulub.

İ.Alıyev deyib ki, veteranlar arasında şeir müsabiqəsi təşkil olunacaq.

O bu il ahıl alimlərin sosial vəziyyətinin və iş şəraitinin yaxşılaşdırılması istiqamətində başlanılan işlərdən danışıb. AMEA-nın elmi müəssisələrində çalışan aztəminatlı veteranlara müavinətlərin verilməsi, onların digər güzəştli xidmətlərdən yararlanmaları, həmçinin sanatoriyalarda müalicələri və istirahət etmələri üçün yeni mərkəzlərin inşasının yekunlaşdırılması işlərinin aparıldığını qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi