Ali məktəblərə ərizə qəbulu başa çatıb

Azərbaycanın ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə ərizə qəbulu başa çatıb.

Bu barədə "Report"a Dövlət İmtahan Mərkəzindən məlumat verilib.

Mərkəzdən bildirilib ki, ərizə qəbulu martın 15-də başlamışdı və aprelin 15-i gecə saat 23.59-dək davam etməsi nəzərdə tutulmuşdu. Sonradan DİM sənəd qəbulunun vaxtını aprelin 16-sı saat 12:00-dək artırıb.

Ərizələrin qəbulu internet vasitəsilə aparılıb.