Yuxarı

AMEA prezidenti Donostia Beynəlxalq Fizika Mərkəzinin professoru ilə görüşüb

Görüşdə elmi əlaqələrin inkişaf etdirilməsi istiqamətində fikir mübadiləsi aparılıb

Bakı. 4 mart. REPORT.AZ/ Azərbaycan Milli Elmlər Akademiyasının (AMEA) prezidenti, akademik Akif Əlizadə İspaniyanın Donostia Beynəlxalq Fizika Mərkəzinin professoru Yevgeniy Çulkov ilə görüşüb. 

"Report" xəbər verir ki, akademiyanın elmi müəssisə və təşkilatlarında müxtəlif istiqamətlərdə aparılan tədqiqatlar, əldə edilən uğurlar haqqında məlumat verən akademik Akif Əlizadə müasir dövrdə Azərbaycan elminin nailiyyətlərinin xüsusilə innovativ xarakter daşıdığını bildirib.

Professor Y.Çulkov isə səmimi qəbula və ikitərəfli elmi əlaqələrin inkişafındakı xidmətlərinə görə AMEA rəhbərinə öz təşəkkürünü bildirib.

Eyni zamanda akademik A.Əlizadə Azərbaycan elminin dünya elminə və təhsil sistemlərinə inteqrasiyasından danışıb, həmçinin AMEA-da gənc kadr hazırlığı sahəsində beynəlxalq təcrübənin tətbiqinin genişləndirildiyini diqqətə çatdırıb.

Sonda AMEA və sözügedən mərkəz arasında qeyri-üzvü materialşünaslıq və digər perspektiv istiqamətlər üzrə elmi əlaqələrin inkişaf etdirilməsi istiqamətində fikir mübadiləsi aparılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi