Yuxarı

​"ADA" Universiteti və İraq XİN-in Diplomatik Xidmət İnstitutu arasında anlaşma memorandumu imzalanıb

Tərəflərin maraq dairəsində olan beynəlxalq münasibətlər sahəsindəki nəşrlərin mübadiləsi üçün müvafiq sistem yaratmaq haqqında razılıq əldə edilib

Bakı. 4 dekabr. REPORT.AZ/ Bu gün "ADA" Universiteti ilə İraq Respublikası Xarici İşlər Nazirliyinin Diplomatik Xidmət İnstitutu arasında iki ölkənin diplomatları və diplomatik xidmət işçiləri üçün daha yaxşı təhsil və treyninqlər vermək, eyni zamanda onların tədqiqatlarına dəstək olmaq üçün qarşılıqı əməkdaşlığın dəstəklənməsi və inkişaf etdirilməsi məqsədilə əməkdaşlıq haqqında anlaşma memorandumu imzalanıb. Bu barədə "Report"a "ADA"nın Kommunikasiya Departamentindən bildirilib.

Memoranduma əsasən, tərəflər təşkili nəzərdə tutulan dərs proqramları, kurslar, seminarlar və bu kimi akademik fəaliyyətlərlə bağlı məlumatları, hər iki təhsil müəssisəsi tərəfindən qəbul olunmuş tədris proqramlarında istifadə olunan müasir tədris metodikalarını, peşəkar göstəricilərin artırılması məqsədilə qarşılıqlı maraq dairəsində olan sahələrdə professorlar, mühazirəçilər, mütəxəssislər, tədqiqatçılar və tələbələri mübadilə etmək, müştərək dövri nəşrlər, jurnallar, məqalələr, elmi tədqiqatlar, eləcə də tərəflərin maraq dairəsində olan beynəlxalq münasibətlər sahəsindəki nəşrlərin mübadiləsi üçün müvafiq sistem yaratmaq haqqında razılıq əldə ediblər.

Anlaşma "ADA" Universitetinin rektoru, səfir Hafiz Paşayev və İraq XİN-in Diplomatik Xidmət İnstitutunun adından səfir Hayder Şiya Al Barrak tərəfindən imzalanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi