Yuxarı
    Bağlamaq

    ADA Universiteti SOCAR-a birgə X Bakı Yay Enerji Məktəbini keçirəcək

    Proqram enerji və ətraf mühit məsələlərini təhlil etmək üçün dünyanın tanınmış alim, mütəxəssis və siyasətçilərini bir araya gətirəcək

    Bakı. 9 mart. REPORT.AZ/ ADA Universitetinin Xəzər Enerji və Ətraf Mühit Mərkəzi Azərbaycan Respublikası Dövlət Neft Şirkətinin (SOCAR) əməkdaşlığı ilə 10-22 iyul 2016-ci il tarixlərində X Bakı Yay Enerji Məktəbini keçirəcək. 

    "Report"un məlumatına görə, ikihəftəlik sertifikat proqramı enerji və ətraf mühit məsələlərini təhlil etmək üçün dünyanın tanınmış alim, mütəxəssis və siyasətçilərini bir araya gətirəcək. İştirakçılar enerji və ətraf mühit, enerji hüququ və iqtisadiyyatı, neft-qaz sənayesində idarəçilik və SOCAR-ın inkişaf strategiyasına dair məsələlərlə geniş şəkildə tanış olacaqlar.

    Bakı Yay Enerji Məktəbi dünyanın müxtəlif ölkələrindən olan dövlət və özəl neft şirkətlərinin rəhbərləri ilə görüşmək və əlaqə qurmaqda böyük imkanlar yaradır. Yay məktəbində Azərbaycanın xarici işlər, energetika, ekologiya və təbii sərvətlər nazirləri ilə yanaşı, TAP, BP, “ExxonMobil”, “Total”, “Statoil”, “Petronas” və digər neft şirkətlərinin yüksək vəzifəli şəxsləri çıxış edəcəklər. Müəllimlərin siyahısı Oksford Universiteti, Sciences-Po, Prinston Universiteti, Rusiya Elmlər Akademiyası və s. kimi dünya şöhrətli elm mərkəzlərinin görkəmli mütəxəssisləri ilə tamamlanacaq.

    İştirakçıların həm də Azərbaycanda neft sənayesinin keçmişi və müasir tarixi ilə bağlı olan Səngəçal neft terminalını, Azərbaycanın ilk neft maqnatı Hacı Zeynalabdin Tağıyevin ev muzeyini, Nobel qardaşları muzeyini və başqa bu kimi yerləri görmək fürsəti olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi