Təhsil Nazirliyi: Son illər ali məktəbə ərizə verənlərin sayında əhəmiyyətli dərəcədə azalma var

Təhsil Nazirliyi: Son illər ali məktəbə ərizə verənlərin sayında əhəmiyyətli dərəcədə azalma var 2017-ci ildə 2014-cü illə müqayisədə sənəd verənlərin sayı 23 588 nəfər azalıb
Elm və təhsil
112
22 İyun , 2018 10:40
Təhsil Nazirliyi: Son illər ali məktəbə ərizə verənlərin sayında əhəmiyyətli dərəcədə azalma var
0 : 00
0 : 00

Bakı. 22 iyun. REPORT.AZ/ Son dörd tədris ili üzrə ali təhsil müəssisələrinin tələbə qəbulunun kəmiyyət göstəriciləri açıqlanıb.

“Report”un xəbərinə görə, Təhsil Nazirliyinin illik hesabatında bildirilir ki, 2014-2015-ci tədris ilində 84 878, 2015-2016-cı tədris ilində 88 366, 2016-2017-ci tədris ilində 87 730, 2017-2018-ci tədris ilində 84 836 nəfər tam orta məktəbi bitirib. Keçən ilə nisbətən bu il tam orta məktəbi bitirənlərin sayı 2 894 nəfər azalıb.

2014-2015-ci tədris ilində 97 362, 2015-2016-cı tədris ilində 93 116, 2016-2017-ci tədris ilində 89 444, 2017-2018-ci tədris ilində 73 774 nəfər ali məktəbə ərizə verib. Ərizə verənlərin sayında ötən illər ərzində mütəmadi olaraq azalma baş verib. 2017-2018-ci tədris ilində 2014-2015-ci tədris ili ilə müqayisədə ali məktəbə ərizə verənləri sayında əhəmiyyətli dərəcədə (23 588) azalma var.