​Rezidenturaya keçirilən qəbul imtahanının nəticələri yaxın günlərdə açıqlanacaq

​Rezidenturaya keçirilən qəbul imtahanının nəticələri yaxın günlərdə açıqlanacaq Bu gün imtahanın II mərhələsi keçirilib
Elm və təhsil
29 İyul , 2016 17:48
​Rezidenturaya keçirilən qəbul imtahanının nəticələri yaxın günlərdə açıqlanacaq

Bakı. 29 iyul. REPORT.AZ/ Tələbə Qəbulu üzrə Dövlət Komissiyası (TQDK) 2016/2017-ci tədris ili üçün baza ali tibb təhsili əsasında həkim-mütəxəssislərin hazırlanması məqsədilə rezidenturaya qəbul imtahanının II mərhələsini keçirib.

TQDK-nın mətbuat xidmətindən "Report"a verilən məlumata görə, imtahan saat 11:00-da başlanıb və 2 saat 30 dəqiqə davam edib. İmtahan prosesinin idarə olunması üçün TQDK-da operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və imtahan prosesinin gedişi nəzarətdə olub. Bütün binalarda imtahan təlimata uyğun şəkildə keçirilib, abituriyentlərin öz bilik səvyyələrini nümayiş etdirmələri üçün zəruri şərait yaradılıb.

İyulun 30-dan etibarən Komissiyada imtahan protokollarının və cavab kartlarının emalı aparılacaq. Nəticələr yaxın günlərdə elan olunacaq.