Neftçalanın Təhsil Şöbəsinə yeni müdir təyin edilib

Neftçala Rayon Təhsil Şöbəsinə yeni müdir təyinatı olub.

"Report"un Muğan bürosunun məlumatına görə, müvafiq əmrə əsasən Vüqar Dadaşov Neftçala Rayon Təhsil Şöbəsinin müdiri vəzifəsinə təyin edilib.

Qeyd edək ki, bundan əvvəl Neftçala Rayon Təhsil Şöbəsinin müdiri Əjdər Kərimov olub. O, bu ilin fevral ayında Dövlət Təhlükəsizliyi Xidmətinin (DTX) Neftçala rayonunda keçirdiyi əməliyyat zamanı rüşvət alma və rüşvət vermə ilə bağlı faktlara görə Cinayət Məcəlləsinin müvafiq maddələri ilə şübhəli şəxs qismində saxlanılıb.