Nazirlik bəzi universitetlərin diplomlarının Türkiyədə tanınmaması ilə bağlı məlumatlara münasibət bildirib

Nazirlik bəzi universitetlərin diplomlarının Türkiyədə tanınmaması ilə bağlı məlumatlara münasibət bildirib Təhsil Nazirliyi Azərbaycanın bir sıra universitetlərinin diplomlarının Türkiyədə tanınmaması ilə bağlı sosial şəbəkələrdə yayılan məlumatlara aydınlıq gətirib.
Elm və təhsil
30 May , 2019 12:18
Nazirlik bəzi universitetlərin diplomlarının Türkiyədə tanınmaması ilə bağlı məlumatlara münasibət bildirib

Təhsil Nazirliyi Azərbaycanın bir sıra universitetlərinin diplomlarının Türkiyədə tanınmaması ilə bağlı sosial şəbəkələrdə yayılan məlumatlara aydınlıq gətirib.

"Report"un xəbərinə görə, nazirliyin Beynəlxalq əməkdaşlıq şöbəsinin müdiri Nicat Məmmədli informasiyanın həqiqətə uyğun olmadığını bildirib.

O deyib ki, Türkiyə tərəfindən hansısa universitetin diplomlarının tanınmaması ilə bağlı rəsmi müraciət daxil olmayıb: "Rəsmi müraciət daxil olacaqsa, araşdırma aparacağıq. Azərbaycanın hər bir universitetinin, xüsusilə dövlət universitetlərində verilən təhsili keyfiyyətinə inanırıq. Hər hansı anlaşılmazlıq ortaya çıxacaqsa, bunun da aradan qaldırılması üçün Təhsil Nazirliyi əlindən gələni edəcək".

Qeyd edək ki, Türkiyədə magistr təhsilini davam etdirmək üçün Azərbaycanın Bakı Mühəndislik, Odlar Yurdu, Azərbaycan Texnologiya universitetlərinin diplomlarının tanınmaması işə bağlı sosial şəbəkələrdə məlumatlar paylaşılıb.

Son xəbərlər

Orphus sistemi