Məleykə Abbaszadə: “Müəllimlər kurikulum sistemindən, yeni alətlərdən necə istifadə etməyi bacarmırlar”

Məleykə Abbaszadə: “Müəllimlər kurikulum sistemindən, yeni alətlərdən necə istifadə etməyi bacarmırlar” DİM sədri: “Ona görə də şagirdləri də qınamaq lazım deyil”
Elm və təhsil
153
30 Noyabr , 2017 14:08
Məleykə Abbaszadə: “Müəllimlər kurikulum sistemindən, yeni alətlərdən necə istifadə etməyi bacarmırlar”
Dövlət İmtahan Mərkəzinin (DİM) Direktorlar Şurasının sədri Məleykə Abbaszad / Report

Bakı. 30 noyabr. REPORT.AZ/ “Müəllimlər 2012-ci ildən başlayaraq yalnız ənənəvi testlərdən istifadə ediblər”.

“Report”un məlumatına görə, bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.

O vurğulayıb ki, halbuki müəllimlər müasir standartlara uyğun olaraq yeni alətlərdən istfadə etməli idilər: “20 il ərzində müəllimlərə ənənəvi test tapşırıqlarını necə tətbiq etməyi öyrətmişik və onlar bunu mənimsəyiblər. Lakin müəllimlər kurikulum sistemindən, yeni alətlərdən necə istifadə etməyi bacarmırlar, onlar bunu necə edəcəklərini bilmirlər. Ona görə də şagirdləri qınamaq lazım deyil”.

DİM sədri bildirib ki, ali məktəbdə tədris proqramları əvvəlcədən müasirləşdirilərək müəllimlərə verilməlidir.

M.Abbaszadə qeyd edib ki, kurikulumun tədbiqində bir sıra rayonlarda fərqlər nəzərə çarpır: “İki ildən sonra şagirdlər yeni qaydalar əsasında təşkil olunacaq müsabiqədə iştirak edəcəklər. Ölkə üzrə bu sahədə olan orta nəticələr arasında ciddi fərqlər var”. 

Son xəbərlər

Orphus sistemi