Elmar Qasımov Meksika Neft İnstitutunun baş direktoru ilə görüşüb

Elmar Qasımov Meksika Neft İnstitutunun baş direktoru ilə görüşüb Bakı. 6 iyun. REPORT.AZ/ Bakı Ali Neft Məktəbinin (BANM) rektoru Elmar Qasımov Meksika Neft İnstitutunun baş direktoru Ernesto Rios Patron və Meksikanın Azərbaycandakı səfiri Xuan Rodrigo Labardini ilə görüşüb.
Elm və təhsil
1667
6 İyun , 2018 10:58
Elmar Qasımov Meksika Neft İnstitutunun baş direktoru ilə görüşüb
BANM
0 : 00
0 : 00

Bakı. 6 iyun. REPORT.AZ/ Bakı Ali Neft Məktəbinin (BANM) rektoru Elmar Qasımov Meksika Neft İnstitutunun baş direktoru Ernesto Rios Patron və Meksikanın Azərbaycandakı səfiri Xuan Rodrigo Labardini ilə görüşüb. 

Bu barədə "Report"a BANM-dən məlumat verilib.

Ali Məktəbin kampusunda baş tutan görüşdə həmçinin Meksika Neft İnstitutunun Məhsulun texnologiyası şöbəsinin müdiri Marko Antonio Osorio Bonilla, Meksika səfirliyində ataşe Mario Fernandez və səfirin köməkçisi Elnur Bağırov da iştirak ediblər.

E.Qasımov qonaqları Ali Məktəbdə salamlayaraq onlara BANM haqqında məlumat verib. Rektor hazırda bakalavr və magistratura üzrə tələbə hazırlayan Ali Məktəbin yaxın gələcəkdə akademik karyerasını davam etdirmək istəyən tələbələr üçün PhD proqramının fəaliyyət göstərəcəyini bildirib.

Meksika Neft İnstitutunun baş direktoru Ernesto Rios Patron görüş üçün E.Qasımova təşəkkür edib. O, Meksikanın neft-qaz sektoru və orada fəaliyyət göstərən şirkətlər haqqında məlumat verdikdən sonra qeyd edib ki, institut texnoloji tədqiqat və inkişaf, mühəndislik üzrə tədris və təlimlərin keçirilməsi üzrə ixtisaslaşıb.

Tərəflər akademik əməkdaşlığa başlamaq üçün tələbə və müəllimlər arası mübadilə, birgə tədqiqatların həyata keçirilməsi məsələlərini müzakirə ediblər. Ernesto Rios Patron BANM ilə müəllim və professorların təcrübələrinin mübadiləsi, yeni kurikulum və tədris planlarının birgə işlənib hazırlanmasının mükün olacağını qeyd edib.

Görüşün sonunda tərəflər sadalanan işlərin birgə görülməsi haqqında razılığa gəliblər.

Daha sonra qonaqlar Ali Məktəbin kampusuna tur edərək burada tələbələr üçün yaradılmış şərait, ən müasir labaratoriyalar, tədris otaqları, idman kompleksi ilə tanış olublar.

Qeyd edək ki, Meksika Neft İnstitutu 1965-ci ildə yaradılmışdır və neft sənayesi ilə bağlı fəaliyyət göstərən tədqiqat mərkəzidir. 

Son xəbərlər

Orphus sistemi