Elm və Təhsil Nazirliyinin nəzdində üç dövlət agentliyi yaradılır

"Hazırda Elm və Təhsil Nazirliyinin nəzdində üç dövlət agentliyinin qurulması işləri davam edir".

"Report" xəbər verir ki, bunu elm və təhsil naziri Emin Əmrullayev media nümayəndələri üçün keçirdiyi brifinqdə deyib.

Nazir bildirib ki, artıq bununla bağlı müvafiq sənəd hazırlanıb və demək olar ki, aidiyyəti qurumlarla razılaşdırılıb: "İnanırıq ki, ilin sonuna qədər işlər yekunlaşacaq və növbəti ildən yeni strukturla fəaliyyətə davam edəcəyik".